२०६६ साल » चैत्र महिना » कुम्भ राशी
गू गे गो सा सी सु से सो द
यस महिनामा सूर्यले तपाईको जन्मराशिको भ्रमण गरेकोले तपाईलाइ कतैको यात्रा हुनसक्ला । पेट तथा हड्डी सम्बन्धी रोगले सताउला । दैनिक दुःख होला । सम्मान इज्जतमा हानी होला । तपाईलाइ त्यति राम्रो फल दिने छैन । बिर्सने बानीको विकास होला । बाटोघाटोमा विवाद हुनसक्ला ।मंगल ग्रह तपाईको राशिको आँठौ स्थानमा भ्रमण गर्दै हुनाले तपाईलाइ घाउचोट पर्नसक्ला । धनको नाश होला । मानको पनि नाश होला । हातहतियारको पीडा होला । परदेशको वास होला । पदच्युत हुनुपर्ला । ऋण र रोगको बाधा अड्चन होला । आफ्नै साथीहरु शत्रु होलान् । प्रयत्नले गरेको काम सफल होला ।बुध ग्रह तपाईको साँतौ स्थानबाट आठौँ स्थानमा जानाले तपाईलाई सन्तानका तफृबाट सुख होला । धनको लाभ होला । वुद्धिको विकास होला तर मन अशान्ति होला । खानामा अरुचि तथा झूठा दोष लाग्ला ।शुक्र ग्रह ८ गतेबाट आठौँ स्थानमा जानाले तपाईलाई सम्पत्तिको सुखमा वृद्धि होला । स्वास्थ्यको लाभको योग छ । केही मात्रामा कष्ट भोग्नुपर्ला । ऋणमा लगाएको धन वृद्धि होला । शुक्र, बुध, मंगल अशुभ हुनाले शुभ अशुभ दुवैखालको फल प्राप्त हुँदै रहला ।
