जीवन फल

अनेक समस्याको उल्झन्, झमेला, परेशानी रहनाको कारण तपाईको जीवन ज्यादा सुखमय भन्न सकिदैन । धेरैदिनसम्म सघर्षको सामना गर्नुपर्नेछ । सम्पत्तिको आशा, जब गर्नुहुन्छ तब यहाँ संघर्षर दुःख घट्ने छैन । बाझाबाझ बाट उतार चढाव आई चारै दिशाबाट घेरेर छटपट गर्नुपर्ने दिनपनि कुनै बेला तपाईमाथि आउन सक्छ । तपाईलाइ मद्दत गर्ने सहायक केही नहुन सक्छ । स्वामी शन्रि्रह हो, शुद्रवर्णवायुतत्व, मध्यम वायु प्रकृति, स्थिर संज्ञा, गरम र घमण्डी स्वभाव होला । दान, पुण्य, पूजापाठ जस्ता धार्मिक कामहरुमा रुचि रहला । कृतज्ञ, कृपण, पशुपंक्षीमा प्रेम, शुभ एवं चञ्चल दृष्टि, कडा दिमाग, समाज र परिवारमा उत्तम व्यवहार प्राप्त हुन कठिन छ । तपाईले पैसा जम्मा गर्नुहुनेछ तर केही प्रतिशत मात्र स्थायी हुन सक्छ । जब परिवारबाट हानि दिक्दारी पनि बन्नु पर्दछ ।

भोगविलासमा तेजवान, शक्तिवान र कसैसँग नहप्किरहने व्यक्ति तपाई हुनुहुन्छ । परिवारमा खटपट, लेखन कार्य तथा हस्तकलाको व्यवसायमा दक्ष सन्तानको मामलामा चिन्तित रहने स्वभाव तपाईको हुनेछ । सेवाको क्षेत्रमा अधिकारविहिन तथा कानूनी विवाद कष्ट भोग्नुपर्नेछ । स्वार्थी र लालची दोस्तीका भरमा तपाई पर्नुपर्छ । रुपैयाँ धनको कमाइभन्दा खर्च बढेर जानेछ । कमाइ राम्रो भएपनि कहिले काँही पैसाको अभावले तपाई ग्रस्त हुनुहुनेछ । आसामीबाट केही मद्दत हुनेछैन । धन, दौलत कमाइ नभएपनि मान प्रतिष्ठाको भने कमी हुनेछैन । धनको अभावले बनिसकेको काम पनि ब्रि्रने सम्भावना हुन्छ । व्यापारी कार्यको लागि दुःख हुनेछ । स्वभाव चञ्चल, मन दौडाउने दिमाग धन कमाउनतिर लाग्ने, कहि कहि धन प्राप्तिको मार्ग चौपट परि भ्रम हुनसक्नेछ । विद्या क्षेत्रमा कोशिस गरेमा सफलता मिल्नेछ । कम मेहनत गरेमा असफल हुन सक्नेछ । कसैको अन्तिम अवस्थामा गुण, गुणवर्ग, नाडी वर्णरिष्ट भएमा कलह विछोडको सामना, स्त्रीबाट दिक्कदारी हुनुपर्नेछ । धन, सम्पत्ति र इज्जत कमाउने विचार जोडतोडले गर्नुपर्नेछ । सेतो र हल्का निलो रंगको पदार्थ प्यारो हुनेछ । प्रायः आफ्नो जीवनमा रमाइलो महसुस गर्ने अथवा मनोरञ्जनको कार्यमा खर्च गर्न मन लाग्ने छैन । सेतो रंग र संगीतमा विशष रुचि हुनेछ । स्वाभिमान, बचत र इज्जतको लागि तपाईले मरिमेट्नु हुनेछ । छिटोछिटो गमन यात्रा बर्साई र्सर्ने, घर सार्ने बानी तपाईमा ५० प्रतिशत व्यक्तिमा रहन्छ ।

व्यापारमा उचित धन कमाउन सक्नुहुन्छ । सन्तान पक्षबाट यदाकदा चिन्ता दुःख यिनको भविष्यको चिन्ता रहनेछ । तपाईलाई शनिवारको दिन लाभदायी छ । अगष्ट महिना र प्रत्येक महिनाको ५,१०,३० तारिख तथा मंगलवारको दिन तपाईको लागि घातक हुनेछ । अतः यो दिनमा जे काम गर्नुहोला नोक्सान हुनेछ । बाल्यकाल भंग हुनेछ । विर्द्यार्जन, पारिवारिक, कुटुम्बले कहिले सुख बुद्धिको विकास, बलवान शरिर कमजोर हुने रोग लाग्नु , परिवारमा अरिष्ट घटना हुनु आदि सम्भव छ । तपाईको कार्यअनुसार स्त्री पुत्र आदि कुमार्गी भए पनि सावधानीले प्रेम र स्नेहले तालिम गर्नु । स्त्रीमा अधिकार सम्पन्न आदि गरेमा जीवन सुखमय होला तर तपाई सहनशील नहुँदा राम्रो छैन । छोराबुहारीमा पनि सेखी नगरी प्रेमपूर्वक तालिम गर्नुभएमा राम्रो हुनेछ । कठोरले रिसको बदला गर्नुभयो भने धन, मान इज्जतको बरवाद हुनेछ तर यो राशिको प्रायः दुइ स्त्रीको योग हुन्छ । पहिलोभन्दा दोस्राको गरम स्वभाव हुनेछ । परिवारमा संकष्ट परेर आँउला, पछि टरेर जानेछ । तपाइको फाल्टु खर्च बढेर जानेछ । कसैको २५ देखि ४५ वर्षम्म जायजेथा, धन, परिवार बढ्नेछ । अधुरो कार्य पुरा हुनेछ । कहिलेकाँही बिरामी भई धन नोक्सान हुन सक्छ । ५१ वर्षा अथवा ४६ देखि ५२ वर्षम्म कुनै दुर्घटना पर्नेछ । त्यसवखत साढेसात अढैया हुनुपर्छ । यदि त्यो छैन भने दोष मात्रै होला यदि यिनमा शनि बलवान छ भने यिनै राशिवालको सुख, धन लाभ पनि हुन्छ । एकै राशि सबैमा एकै हुँदैन यो राशिवालको नोकरी, मान, प्रतिष्ठा हर क्षेत्रमा भए तापनि यदाकदा फलाम काठ आदि शस्त्र, मोटर आदिबाट चोट, कम्मर काँधमा चोट, लाग्न सक्ला । कुम्भ राशिलाई ४६ देखि ६७ वर्षम्म भाग्योदय हुनुपर्नेमा साढे सात दशाभरि राम्रो फल नहुन सक्छ ।

स्वभाव र चरित्र

कुम्भ राशिको स्वामी शनि हो । यो राशि हुनेहरु आफ्नै अडानमा रहन्छन् । कसैको लोलोपोतेमा विश्वास नगर्ने र आँटेका कार्य गरिहाल्छन् । भविष्यको लागि विचार गर्ने स्वभावका हुन्छन् । प्रायः यिनको स्वभाव तरबरे हुँदा कार्य सम्पन्न गर्दा आतिने बानी हुन्छ । यिनीहरु आफ्नो स्वभावले मित्रहरुमा विश्वासघात नगर्ने, झूठादेखि डराउने हुन्छन् । नयाँ कार्य योजना बनाउन पछि पर्दैनन् । यिनको कार्य गर्ने साहस गजबको हुन्छ । यिनको धन कमाउने तिखो बुद्धि हुन्छ तर धनको संरक्षण गर्न जानेक हुँदेनन् । आफ्नो स्थितिबाट आराम मिल्दैन, यिनको स्थायी र्काय पत्ता लगाउन गाह्रो छ किनकि यिनको विचार तर्कवादी हुन्छ । स्वतन्त्रता यिनको मौलिक गुण हो । यो राशि हुनेहरु पछिको विद्या पद्धतिलाई अर्को परिवर्तन ल्याउने विचार राख्ने खालका हुन्छन् । बितेको समयलाई याद गर्ने इच्छा राख्दैनन् । भित्री सुरोपन भने हुनेछ । यिनको आत्मविचार बढो साहसिक हुन्छ । उनीहरुको विचार अरुले जान्न मुश्किल हुन्छ ।

प्रेम सम्बन्ध

यस राशिका नरनारी भावना प्रधान भएका, गुप्त गर्ने स्वभावका हुन्छन् । यिनीहरुको प्रेम गुप्त रहने भएकोले प्रेमी व्यक्तिलाई अति साह्रो गर्ने र उसको लागि आफ्नो र्सवस्व दिन सक्ने हुन्छन् । यिनीहरुको प्रेम, एक आदर्श हुन्छन् । प्रेमप्रति त्याग र बलिदानको दृष्टिकोण राख्ने हुन्छन् । यो राशिलाई त्यो त्याग र बलिदानको केही पनि मिल्दैन । पुरुषभन्दा स्त्रीमा प्रेम वियोग धेरै परेको पाइन्छ, प्रेमी प्रेमिकामा परेवाको जस्तै माया भएको हुन्छ, यिनीहरुको वियोगको मुख्य कारण जातिभेदको पर्खाल नै हो । वृष, धनु र मीन सँगको प्रेम सफल नहुन सक्नेछ भने अन्य सँग सामान्य नै रहला । यिनीहरुले धेरैबाट एउटा साँचो मित्र छान्नसक्नु नै प्रेम सफल हुनु हो भन्न सकिन्छ । त्यसैले गर्दा यो राशि भएकहरुले व्यक्ति चिनेर मात्र प्रेम तथा सेक्स सम्बन्ध राख्नु राम्रो हुन्छ ।

अन्य राशिसँगको सम्बन्ध र यसबाट हुने लाभहानि

मेष राशिसँग

कुम्भको मेषसँग मर्मस्पर्शी सम्बन्ध हुन्छ । स्वभाव मेल नभए पनि एकले अर्काको सहायक गर्नेछन् । जवानीको खटपट हुँदै रहला । पार्टनरशीप एवं विवाहको हितमा, मेष कुम्भको निर्वाह योग्य हुने छैन । हैसियत बढाउन दुवै परस्पर सहायक राशि हुन् मित्रता जान पहिचानसम्मको सीमा लाभकारी हुनेछ । मेषदेखि कुम्भ विजयी होला । कुम्भबाट मेषको लाभको आशा छैन । स्वभाव, खानपान, आचरण र व्यवहारमा तालमेल रहन कठिन हुन्छ । धेरै परपर रहनाले केही मित्रता रहन्छ । तपाईको -कुम्भ)सन्तानको विवाह गरेपछि मात्र दुवैको सम्बन्ध बन्न सक्नेछ ।

वृष राशिसँग

वृष राशिमा कुम्भ राशिको सम्बन्ध हितकारी हुनेछ । आपसमा परीक्षणको भावना रहनेछ । धैर्यपूर्वक यिनको सम्बन्ध निर्वाह हुनेछ । दुवैमा सुदूर आकर्षण हुनेछ । अधिक निकटमा ठाक्क ठुक्क त परिहाल्छ । कुम्भको उत्तरदायित्व धन, विवाह, जनसम्पर्क साझेदारी कानूनी सन्दर्भ तथा विशिष्ट क्रियाकलापले वृष राशि प्रभावित हुनेछ । यदि सावधानीले काम लिन सके यिनको संयोग सरल हुनेछ । विस्फोटक वातावरण, नराम्रो बचन झगडा गर्ने प्रवृत्तिलाई नियन्त्रण गर्नु आवश्यक छ । पति पत्नीको रुपमा एक अर्काको रक्षक हुनेछन् । अन्य साझेदारी भाग्योदय हुनेछ ।

मिथुन राशिसँग

मिथुन राशिको कुम्भ राशिका मित्रता ठीक रहन्छ, स्वास्थ्य र आजीविकाको सम्बन्धमा दुवै राशि एक अर्काको सहायक हुनेछन् । मिथुनउपर कुम्भको नियन्त्रण रहनेछ । यिनका यौवन सम्बन्धमा परस्पर स्थिरता र सन्तुष्टी पाउनेछ । कुम्भ राशिले मिथुनको मनमा सामाजिक, स्वास्थ्य जस्तो एवं क्रियाकलापको प्रति अभिरुचि लिनेछ । दुवै राशि आपसमा एक दोस्रोको यथार्थ जीवनको अवगत गराउने कार्य गर्नेछन् । दाम्पत्य सुखको लागि यिनको सम्बन्ध हितकारी हुनेछ । पति पत्नीको रुपमा एकले दोस्रोको हित चिन्तक हुनेछन् । राम्रो मन मिलेर पारिवारिक सम्बन्धको यथास्थिति निर्वाह गर्नु यिनको विशेषता हुनेछ । सम्पत्तिबारे प्रश्न उठ्नेछ । उपस्थिति हुँदा आसामीले केही झन्झट पार्नेछ । क्रमैले समाधान हुनेछ ।

कर्कट राशिसँग

कर्कट राशिसँग कुम्भ राशिमा तालमेल सही हुनेछैन । कर्कटलाई कुम्भले आफ्नू नियन्त्रणमा राख्न चाहन्छ । कुम्भको प्रयत्नलाई कर्कटले विफल पार्नेछ । यिनको शारिरिक सम्बन्ध सफल हुनेछ । मानसिकतामा भारी अन्तराल देखापर्नेछ । विरोधी बनेर पनि निर्वाहसम्म गर्न सक्लान् । मित्र बनेर उति प्रेम हुनेछैन । पति पत्नीको रुपमा गृहस्थ जीवन केही अशान्तै बनिरहन्छ । व्यापारिक भागीदारीमा एउटा लाभान्वित हुन्छ, अर्को क्षतिग्रस्त हुन्छ । कुम्भ कर्कटको मित्रता सानोसानो कुरामा विवादमा पर्रवर्तन हुनजान्छ । तर्सथ सफलताको लागि कर्कटप्रति कुम्भले गम्भीर रहन आवश्यक हुनेछ । कुम्भदेखि कर्कटको मन हमेशा डामाडोल बनिरहन्छ । यी दुइ राशिको षडकाष्ट पर्दछ ।

सिंह राशिसँग

सिंह राशिसँग कुम्भ राशिको सम्बन्ध कहिले सुख र कहिले दुःख सिद्ध हुनेछ । विभिन्न कार्य पुरा गर्नको लागि र कुम्भलाई सिंहको प्रेरणा मिलिरहन्छ । किन्तु कुम्भप्रति सिंहको रुखो मनोभावना नै हुन्छ । व्यवसायिक साझदारी परस्पर विवाह आदिको लागि सिंह कुम्भको सम्बन्ध साधारण नै होला । एक अर्कामा प्रेरक रहन सक्लान् । दुवैके ढिपी गर्ने स्वभावले ठाक्कठुक्क हुँदै रहला । एउटा सुन्दर एकान्तप्रिय हुनेछ र केवल प्रेम पाएर सन्तुष्ट रहनेछ । अर्को तथ्यात्मक प्रसंगमा लैजाने भइरहनेछ । यिनको व्यवहारिक गृहस्थ बनिरहन अधिक प्रसन्न रहनुपर्नेछ । यिनको विचारको आदान प्रदान शान्तभावले हुन सके मात्र सहयात्रा सदैव शुभ हुनेछ ।

कन्या राशिसँग

कन्या राशिसँग कुम्भ राशिको प्रीतिको षडाकाष्ट रहनेछ । दुवैको बीच एक स्वभाविक आकर्षण बनिरहनेछ । यिनको राशि स्वामी मित्र हुनाले त्यति दोषी छैन । यिनको स्नेह लालना वासना सम्मान अनुशासन एवं नियन्त्रणको सकेसम्म ध्यान राखे सम्बन्धको निर्वाह हुनसक्नेछ, कन्यामा कुम्भको परस्पर सम्बन्ध रोमान्टिक हुनसक्नेछ । कैयौँ प्रसंगमा कुम्भ कन्याको सम्बन्ध अधिक रुचिकर हुनेछैन । यी दुवै विशिष्ट योग्यताको धनी हुने छन् । यसको लागि सैद्धान्तिक टक्करको भय बनिरहन्छ । कुम्भको विभिन्न उत्तेजनामा कन्याको मिल्ती रहन्छ । यिनको परस्पर समाजमा भ्रमण, अध्ययन, परिवर्तन आदिमा प्रयत्नले सफलता मिल्नेछ ।

तुला राशिसँग

तुला राशिसँग कुम्भ राशिको सम्बन्ध मैत्री न्यायपूर्ण रहनेछ । सत्य असत्यको केही प्रसंगले तुला कुम्भको सम्बन्ध सरलतापूर्वक निर्वाह हुनेछ । सुख तथा सन्तुलनको लागि यो सम्बन्ध भ्रष्टसिद्ध हुनेछ । कुम्भ र तुलाबीचमा ज्ञानबर्द्धक सम्बन्ध बन्नेछ, कुम्भलाई प्रसन्न बनाई राख्नको लागि तुलाको मानसिक उदासीले बचन अनिवार्य हुनेछ । गृहस्थ जीवन, भूमि, सम्पत्ति क्रय विक्रय, धन संग्रह, व्यवसाय सञ्चालन आदिमा तुला कुम्भ दुवै परस्पर सहायक रहनेछन् । तुलाको लालचीपन तथा कुम्भको दृढता मिलेर नवीन अनुसन्धान, नयाँ निमार्ण जागरण एवं विवादको निवृत्ति हुनसक्छ । यिनम वैवाहिक जीवनको सुख सम्पन्नता सुनिश्चित हुन जानेछ ।

वृश्चिक राशिसँग

वृश्चिक राशिसँग कुम्भ राशिका सामान्य सम्बन्ध रहनेछ । कुम्भ राशि वृश्चिकको प्रसन्नता प्रेरणा एवं शिक्षा ग्रहण गर्न योग्य हुनेछ । वृश्चिक कुम्भको परस्पर सम्बन्ध रोमान्टिक हुन सक्नेछ । एक जंगलमा सिंह सिंहनीजस्तो हुन्छ । यिनको संयोग त्यस्तै हुनेछ र दुवै पुरुष भएमा उदासी भावना रहनेछ । एकले सोचविचार गरी अगाडि बढ्ने क्षमता हुन्छ, दोस्रोको रुढी वादीको तोड्ने साहस हुन्छ । स्वास्थ्य र धनको सम्बन्ध दुवै जागरुक हुन्छन् । वृश्चिक कुम्भको एक आदर्श साथी हुनेछ ।

धनु राशिसँग

धनु राशिसँग कुम्भ राशिको राम्रो प्रेम रहनेछ । दुवैको पारस्परिक सम्पर्कबाट यात्रा, लेखन, प्रकाशन, पुरुषार्थ, बौद्धिक प्रयोग एवं मानसिक सक्रियताको बल मिल्नेछ । कुम्भसँग धनुको सम्बन्ध लाभप्रद हुनेछ । आफ्नू स्वाभाविक पर्दशनले कुम्भको सरलता धनुको लागि प्रेरणादायक हुनेछ । यी दुवैको बीचको मधुरता समाप्त पार्नमा अरु राशिले सक्रियता देखाउने छन् । कुम्भ राशिको सिर्जनात्मक शक्तिले धनुको इष्ट मित्र, शिक्षा प्रवास एवं नयाँ कार्य क्षेत्रलाई राम्रो प्रभावित गर्नेछ । पति पत्नीको रुपमा गृहस्थ जीवन आरम्भदेखि पछिसम्म सुखी बनिरहनेछ । आपसमा राम्रो दोस्ती हुनसक्नेछ । व्यावसायिक पार्टनरमा भने आपसमा विरोध हुन्छ । हानिकारक हुन सक्छ ।

मकर राशिसँग

मकर राशिसँग कुम्भ राशिको प्रायः सम्बन्ध सहायक हुन जान्छ । कुम्भ राशिले मकरको स्वास्थ्य, व्यापार, परिवार एवं सम्पत्ति, अर्थ पक्षलाई प्रभावित गर्नेछ र अधुरा कामकाज पुरा गर्ने प्रेरणा दिनेछ । यसको विपरीत कुम्भलाई मकरले, जुन प्रेरणा निरन्तर मिलाउने छ उसको भार स्वरुप सिद्ध हुनेछ । कुम्भबाट मकरको बौद्धिक र भावनात्मक सन्तुलन बनिरहन्छ । वैवाहिक उद्देश्यमा यिनको सम्बन्ध धेरै राम्रो हुन्छ । विवाह, साझेदारी, जनसम्पर्क, पारिवारिक या व्यापारिक सर्न्दर्भमा मकर कुम्भ बीच अत्याधिक आकर्षणको सम्भावना हुनेछ । यिनको कार्य कारण र उद्देश्यको बीच धेरै बाधाको निराकरण हुनेछ ।

कुम्भ राशिसँग

कुम्भ राशिसँग कुम्भ राशिको सम्बन्ध न्यायसंगत रहने छैन । यिनको बुढो उमेरमा सम्बन्ध टुट्ने भय बनिरहन्छ । एकले अर्काको प्रति रुचि पर्दशन गर्नाले छिट्टै प्रेम हुन सक्छ । चाँडै नै त्यो आकांक्षाले कष्ट दिने हुन्छ । दुवै कुम्भ राशिमा केही दुरी रहनु र बाहिर मित्रता स्थायी बनाइ राख्नु बुद्धिमानी हुनेछ । अत्यधिक निकटता हुनु हानि हुन जान्छ । कुम्भ स्त्रीमा कुम्भ पुरुषको वैवाहिक जीवन कलहले भरिपूर्ण हुन सक्छ । जीवनको हरेक पाइलामा खटपट हुने र उन्नतिको दिशामा पीर, वेकाम हुने हुन्छ । दुवै कुम्भको मित्रता होस् वा शत्रुता होस् कुनै हालतमा रहनु विनाशकारी नै देखिन्छ ।

मीन राशिसँग

मीन राशिसँग कुम्भको जीवनयात्रा सफल बन्नेछ । पारस्परिक सम्मानको भावनाले कुम्भ मीनको बीच मित्रता सामान्य हुनेछ । यथोचित सन्तुलन बनिरहेमा कुम्भ मीनको बीचका विरोधी शक्ति निस्क्रिय हुनेछ । कुम्भदेखि मीनको शक्ति सम्बन्ध सामान्य रहनेछ । पारस्परिक सम्बन्ध र सक्रियता वृद्धि भएर यिनमा प्रशंसनीय प्रवृत्तिको विकास हुनेछ । दुवैले एक उत्तरदायित्वको निर्वाह गर्नेछन् । आपसमा स्नेह र सम्मानको आदान प्रदानको भावना बनिरहने र मित्रताको निर्वाह आशाकारी हुनेछ । पति पत्नीको रुपमा दाम्पत्य जीवन सुख सुविधाले बित्नेछ ।